Меншікті өндіріс
Біз әлеуметтік желілердеміз
Екі күнде де науқастар түспеді: Желіде медбикелердің билеп жүрген видеосы жарияланды
Видеода қорғаныс костюміндегі медбикелер билеп жүр
Желіде қорғаныс киіміндегі медбикелердің жұмыс орнында билеген видеосы жарияланды, деп хабарлайды Almaty.tv тілшісі zakon.kz-ке сілтеме жасап.
Видеода қорғаныс костюміндегі медбикелер билеп жүр. Ал оны түсіріп тұрған адам екі күннен бері ауруханаға бір де бір науқас түспегенін, бұл қуанышты жағдай екенін айтады. Алайда видеоның қай өңірде түсірілгені белгісіз.
«Алла ауруды аулақ қылып, осылай медбикелер билей берсін. Жақсы болған екен», – деп жазды Facebook қолданушысы Мақсат Қуаныш.
28 шілдедегі жағдай бойынша, Қазақстанда уақытша ауруханалар мен жұқпалы аурулар стационары түрінде ашылған жеті мекеме жабылды. 2 тамыздан бастап Алматы мен басқа аймақтағы коронавирусқа байланысты уақытша ашылған орталықтарды жабу, төсек-орын санын қысқарту жоспарланған.