Әлемдегі ахуалға тоқталсақ. Венгрияда 1 күнде 302 адам коронавирустан мерт болды, деп хабарлайды Almaty.tv.
Бұл 1 миллион адамға шаққанда 1 аптада тіркелген әлемдегі ең көп көрсеткіш. Айта кету керек, елде бұған дейін 2 миллион адам вакцина салдырған. Африкада сарс ков-2-нің мутацияға ұшыраған жаңа штамы анықталды. Африканың ауруларды бақылау және алдын алу орталығының басшысының айтуынша, жаңа штамм алғаш Анголаға келген Танзания азаматтары арасында анықталған.
Ал, Ресейлік мамандар COVID-19 мутацияланған жағдайда вакцинаны екі күн ішінде жаңартуды үйренді. Сенсациялық мәлімдемені Гамалея атындағы Ұлттық эпидемиология және микробиология ғылыми орталығының директоры Александр Гинцбург жасады.
