Атырау облысында COVID-19 жұқтырған 10 адам анықталды

Атырау облысында өткен тәулікте коронавирус жұқтырған 10 адам анықталды, деп хабарлайды Almaty.tv тілшісі ҚазАқпаратқа сілтеме жасап.

«Қауіпті дертке шалдыққандардың сегізі – Атырау қаласынан, 1 адам – Жылыой ауданынан, ал 1 науқас – Теңіз кенішінің жұмысшысы. Бес науқаста індет симптомды, қалған бесеуінде симптомсыз өтуде»,– деп мәлім етті облыстық денсаулық сақтау басқармасының баспасөз қызметі. 

Сондай-ақ, өткен тәулікте облыс бойынша 57 адам қауіпті инфекциядан жазылып шыққан.