Меншікті өндіріс
Біз әлеуметтік желілердеміз
Қазақстанда 7 журналистің коронавирус жұқтырғаны белгілі болды
Бұл туралы елдің бас мемлекеттік санитар дәрігері Айжан Есмағамбетова мәлімдеді
Қазақстанда бұқаралық ақпарат құралдарының жеті өкілі коронавирус жұқтырған. Бұл туралы елдің бас мемлекеттік санитар дәрігері Айжан Есмағамбетова мәлімдеді, деп хабарлайды Almaty.tv тілшісі Sputnik Қазақстанға сілтеме жасап.
«Республика бойынша бұқаралық ақпарат құралдарының 7 өкілі ауырды. Оның үшеуі емделіп, ауруханадан шықты. Ал төртеуі тиісті ем алып жатыр», – деді Есмағамбетова тікелей эфирде.
Ол науқастардың барлығында ауру жеңіл түрде өтіп жатқанын нақтылады.
21 мамырда «Еуразия» телеарнасының екі қызметкерінен коронавирус табылғаны хабарланған еді. Осыдан кейін телеарнаның жұмысы эпидемияға қарсы режимге ауыстырылды.
22 мамыр мен 7 маусым аралығында «Қазмедиа орталығы» ғимаратында кіріп-шығуға шектеу енгізілді.