Қазақстанда 81 адам коронавирустан жазылып шықты

Фото: ашық дереккөзден

Шымкенттік екі науқастың ауруынан айыққаны белгілі болды

Алматы қаласында коронавирус жұқтырған 9 науқас, Жамбыл облысында 2 адам, Шымкентте 2 адам қауіпті індеттен сауығып, ауруханадан шықты, деп хабарлайды Almaty.tv тілшісі.

Осылайша, бүгінге дейін еліміз бойынша 81 адам COVID-19 вирусынан жазылып шықты. Бұл туралы Денсаулық сақтау министрлігінің баспасөз қызметі хабарлады.

«Бүгін сағат 16:15-ке дейін елімізде жалпы 81 адам үйлеріне шықты, оның ішінде: Нұр-Сұлтанда – 34, Алматы қаласында – 37, СҚО – 1, Ақтөбе облысы – 1, Жамбыл облысында -3, Павлодар облысында- 1 Алматы облысында - 1, Қарағанды облысында – 1, Шымкентте – 2 пациент», - делінген хабарламада.