«Қазақстан» телеарнасының қызметкерлерінен коронавирус табылды

«Қазақстан» телерадиокешені мен «Атамекен» ұлттық кәсіпкерлер палатасының қызметкерлері коронавирус жұқтырды, деп хабарлайды Sputnik.

Бұл туралы Алматы қаласы Тауарлар мен қызметтердің сапасы мен қауіпсіздігін бақылау департаменті мәлімдеген.

«Қазақстан» ТРК-де коронавирус инфекциясының 24 жағдайы тіркелді. Кәсіпкерлер палатасында ауру таралған жоқ, тәжірибеден өтіп жатқан бір адамнан инфекция табылды», – деп хабарлады департаменттің баспасөз қызметі.

Алматыдағы «Қазақстан» ТРК Желтоқсан көшесі, 177 мекенжайында, Сәтбаев көшесінің қиылысында орналасқан.  

Санитар дәрігерлер «Қазақстан» ТРК-дағы науқастар қызметкерлерге аудандық басқармамен бірлесіп профилактикалық тексеру жүргізу кезінде анықталғанын жеткізді.

COVID-19 жұқтырғандармен, сондай-ақ байланыссыз науқастармен тікелей қарым-қатынас жасаған барлық адам тексерілді, деп нақтылады ведомство.

Сонымен қатар, «Қазақстан» ТРК-мен бір ғимаратта орналасқан және кіреберісі ортақ «Еуразия бірінші арнасының» қызметкерлері де тексеруден өтті.