Меншікті өндіріс
Біз әлеуметтік желілердеміз
Ресейде бір тәулікте коронавирустан 890 адам қайтыс болды
Бұл – пандемия басталғалы орнаған жаңа рекорд
Ресейде бір тәулікте коронавирустан 890 адам көз жұмды. Бұл – пандемия басталғалы орнаған жаңа рекорд. Бұл туралы жексенбі күні жаңа инфекциямен күрес жөніндегі жедел штаб мәлім етті, деп хабарлайды Almaty.tv тілшісі ҚазАқпаратқа сілтеме жасап.
«Пандемия басталғалы 209 918 адам қайтыс болған. Шартты өлім жағдайы 2,77% деңгейіне дейін өсті», – деп хабарлады штаб.
Коронавирус жұқтырудың расталған жағдайларының саны бір тәулікте 25 769-ға артып, жалпы саны 7 586 536 адамға жеткен. Қазіргі уақытта Ресейде 650 653 адам ауырып жатыр.
Коронавирустан жазылып шыққандар саны бір күнде 15 391-ге артып, жалпы саны 6 725 965 адамға жетті.
Штабтың мәліметтері бойынша, ауруханадан шығарылған пациенттердің үлесі ауруға шалдыққандардың жалпы санынан 88,7%-ға дейін төмендеген.