Жандарбек Бекшин таяу күндері Қазақстанда да коронавирус тіркелуі мүмкін екенін ескертті

Айтуынша, жағдайды ғалымдар жіті қадағалап отыр. Қазір қытайлық пневмония эпидемиясы тарап жатқан мемлекеттердің тізімі ұлғаюда. Бастапқыда Қытай ғана еді, қазір Иран, Оңтүстік Корея, артынша коронавирус Еуропа елдерін шарпыды. Инфекция таралған елдердің ортасында қалдық дейді Жандарбек Бекшин,деп хабарлайды Almaty.tv тілшісі.

«Біздің болжамымыз бойынша шамамен 11-16 наурыз аралығында біздің елде коронавирус таралады. Бірақ бұл - болжам. 1-2 апта не ары, не бері», - деді, ҚР Бас санитарлық дәрігері Жандарбек БЕКШИН.

Жандарбек Бекшин барлық тиісті шаралар іске асырлып жатқанын жеткізді. Десе де, вирус – қамап  тастайтын «мал» емес, сондықтан «бізге кірмейді» деп кепілдік бере алмайтынын да  алға тартты.