Ішкі Істер министрлігі қызметкерлерін коронавирус инфекциясынан қалай қорғауда

Ішкі Істер министрлігі қызметкерлерін коронавирус инфекциясынан қорғауға өз күшін жұмсауда, деп хабарлайды Almaty.tv.

Полицейлер қызметке кіріскенде «қауіптілігі жоғары топтарымен» жұмыс істейді. Олар медицина қызметкерлері сияқты дертті өздеріне жұқтыру қаупімен бетпе-бет келеді. Осыған байланысты қылмыстық-атқару мекемелерінің барлық тігін цехтарында ішкі істер органдарының қызметкерлеріне арналған қорғаныс құралдарын тігу жұмыстары жүргізілуде. Мәселен, бірінші кезеңде медициналық маскаларды тігу өндірісі жолға қойылған. Бүгінгі күні 1 миллионға жақын қорғаныс бұйымдары дайындалған. Сонымен қатар, полиция қызметкерлеріне арналған арнайы костюмдер өндірісі басталыпты.

«Күнделікті 25 мың полиция қызметкері, 5 мыңнан астам Ұлттық Ұлан, 2 мыңнан астам Қорғаныс министрлігінің қызметкерлері төтенше жағдай кезінде жұмылдырылған. Еліміз бойынша 300-ден астам қорғаныс бекеті қойылған. Жеке құрамды коронавирустан сақтау үшін қылмыстық-атқару жүйесі коллонияларының базасында арнайы қорғаныс құралдарын тігу жұмыстарын қолға алдық. Бұл – көп рет киюге арналған киімдер.  Бірінші партияны блок-бекетте қызмет атқаратын елордалық полицейлер алды. Жақын арада қорғаныс комбинезондарымен ІІМ-нің барлық аймақтық бөлімшелері қамтамасыз етіледі», – деді ҚР Ішкі істер министрі Ерлан ТҰРҒЫМБАЕВ.