|
02.12.2022 | 11:09
2665

Көріпкел бейтаныс қыздың алтынын ұрлап кетті

Күдіктінің бұған дейін осыған ұқсас қылмыстарды жасағаны үшін соттылығы болған

Көріпкел бейтаныс қыздың алтынын ұрлап кетті pixabay

Алаяқтық жасады деген күдікке ілінген 34 жастағы М.есімді азамташаны ұстау кезінде төрт алтын сақина тәркіленді, деп хабарлайды Almaty.tv тілшісі Polisia.kz-ке сілтеме жасап.

"Жәбірленушінің айтуынша, көшеде белгісіз әйел оған жақындап, оның бойында өте ауыр дуа бар екенін айтып, әкесі ауырып қалатынына сендірген. Сондықтан дереу арнайы рәсім жасау арқылы дуаны алып тастау керектігін айтқан. Қыз ойланбастан үйіне барып, бар алтын бұйымдарын жинап, бейтаныс әйелге береді. Жедел-іздестіру іс-шарасы барысында күдікті қамауға алынды. Алтын бұйымдар айғақты зат ретінде тәркіленіп, қылмыстық іс материалдарына тіркелді. Келтірілген шығын көлемі шамамен 250 мың теңгені құрады. Қазіргі уақытта тергеушілер айғақтарды анықтап, ұсталған азаматшаның бұрын жасалған осыған ұқсас қылмыстарға қатысы бар-жоғын анықтап жатыр", – деді Алмалы аудандық Полиция басқармасының бастығы Есен Ысқақов.

Айта кетсек, күдіктінің бұған дейін осыған ұқсас қылмыстарды жасағаны үшін соттылығы болған.

Ал тәртіп сақшылары ұсталған азаматшаның суретін мұқият қарап, оны таныған жағдайда мына телефон нөмірлеріне хабарласуға шақырады: 8-708-707-92-02; 8-775-106-18-84.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир