Меншікті өндіріс
Біз әлеуметтік желілердеміз
Ұзынағашта атыс болып, бір адам көз жұмды
05.08.2022 16:40
Алдын ала анықталғандай, атыс жергілікті тұрғындар арасында болған
Tengrinews.kz
Алматы облысындағы Жамбыл ауданының орталығы Ұзынағашта атыс болып, 3 адам ауруханаға түсті. Олардың бірі қайтыс болды, деп хабарлайды Almaty.tv.
«4 тамыз күні сағат 16:20-да Ұзынағаш ауруханасына оқ тиген үш адам түсті. Оның біреуі жансақтау бөлімінде көз жұмды. Полиция бірден мән-жайды анықтап, аталған қылмысқа қатысы бар адамдарды іздеуге кірісті», - делінген Алматы облыстық Полиция департаменті баспасөз қызметінің хабарламасында.
Алдын ала мәлімет бойынша, жергілікті тұрғындар арасында кикілжің болғаны анықталды. Қазіргі уақытта жанжалға қатысы бар адамдар толығымен анықталып, оларды ұстау бойынша іс-шаралар жүріп жатыр.