Ақтөбе облысында фермерлер «Аграрлық несие корпорациясының» несиесін мақсатсыз жұмсаған, деп хабарлайды Almaty.tv.
200 миллион теңгеге жуық қаржы мал шаруашылығын дамытуға бөлінгенімен, 3 шаруа қожалығының басшысы оны қажеттілігіне жаратқан. Олар алаяқтық жасады деген күдікке ілінді. Бұл факті бойынша сотқа дейінгі тергеу басталып, кінәлілер 4 жылға дейін бас бостандығынан айырылуы мүмкін.
– Қылмыстық құқықбұзушлық белгілерінің болуына байланысты материалдар Экономикалық тергеу департаментіне жолданды. Олар бойынша Қылмыстық кодекстің 190-бабының 4-бөлігі бойынша сотқа дейінгі тергеу басталып, қазіргі таңда тергеу нәтижелері бір қылмыстық іс сотқа жіберілді. Ал екі іс бойынша тергеу жүргізілуде, – деді облыс прокурорының көмекшісі Өркен Ещанов.
Оқи отырыңыз: ІІМ трансұлттық ұйымдасқан қылмыстық топтың қызметіне тосқауыл қойды