Меншікті өндіріс
Біз әлеуметтік желілердеміз
Жетісу облысында қылмыстық топ ұсталды
Ұсталған адамдар уақытша ұстау изоляторына қамалды
Ұйымдасқан қылмысқа қарсы күрес басқармасының қызметкерлері бизнесменнен ақша талап еткен күдіктілерді арнайы жасақ жауынгерлерінің көмегімен ұстады, деп хабарлайды Almaty.tv тілшісі polisia.kz-ке сілтеме жасап.
Күдіктілер жергілікті кәсіпкерді қорқытып, 15 мың қытай юань талап еткен.
«Топ үш адамнан тұрады. Біреуі - Алматы қаласының тұрғыны, екіншісі - Алматы облысы, үшіншісі - Жетісу облысының тұрғыны. Жәбірленуші оларға ақша беру кезінде ұсталды. Олардың біреуінен 9 мм калибрлі 13 патроны бар тапанша (сигналдық) табылып, тәркіленді», – деп хабарлады Жетісу облысы полиция департаменті ҰҚҚКБ бастығы Сарқытбай Құсайынов.
Аталған факт бойынша тергеу амалдары ҚР ҚК-нің 194-бабы «Бопсалау» бойынша жүргізіледі. Ұсталған адамдар уақытша ұстау изоляторына қамалды.