Меншікті өндіріс
Біз әлеуметтік желілердеміз
Бір аптада елімізде 3 мыңға жуық қылмыс тіркелді
27.06.2022 17:14
Бұл туралы ҚР Ішкі істер министрлігінің өкілі Шұғыла Тұрлыбек мәлім етті
Фото: ашық дереккөзден
Бір аптада Қазақстанда 3 мыңға жуық қылмыс тіркелді. Бұл туралы ҚР Ішкі істер министрлігінің өкілі Шұғыла Тұрлыбек мәлім етті, деп хабарлайды Almaty.tv тілшісі ҚазАқпаратқа сілтеме жасап.
«Бір апта ішінде 2948 қылмыс жасалды, оның 1864-і тәулік ішінде ашылды», - деді Шұғыла Тұрлыбек министрліктің баспасөз алаңында өткен брифинг барысында.
Оның айтуынша, полиция қызметкерлері «ізін суытпай» 4 кісі өлтіруге қатысты қылмыстың бетін ашты.
Сонымен қатар 7 өлімге әкеп соққан денсаулыққа қасақана ауыр зиян келтіру, 1 қарақшылық, 37 тонау және 465 бөтеннің мүлкін ұрлау оқиғасы анықталып, осы қылмыстардың мән-жайы белгілі болды.