Біз әлеуметтік желілердеміз
Лариса Пакқа қатысты қылмыстық істі тергеушілердің үстінен іс қозғалды
Ол Фармация комитеті төрағасы міндетін атқарған
Фармация комитеті бұрынғы төрағасының міндетін атқарған Лариса Пакқа қатысты қылмыстық істі тергеушілердің үстінен іс қозғалды, деп хабарлайды Almaty.tv тілшісі.
Тергеу-жедел тобы 2017 жылдан 2018 жылға дейін аталған істі қараған еді. Кейіннен қылмыс құрамының болмауына байланысты тергеу тоқтатылған. Ал 2019 жылдың 6 шілдесінде Лариса Пак қайтыс болды. 2020 жылдың 7 желтоқсанында Сыбайлас жемқорлыққа қарсы іс-қимыл агенттігі Лариса Пак толық ақталғанын хабарлаған болатын.
«Лариса Пакқа қатысты қылмыстық істі тергеуге қатысқан Сыбайлас жемқорлыққа қарсы іс-қимыл ұлттық бюросының бұрынғы қызметкерлерінің рұқсат етілмеген тергеу әдістерін қолдану фактісі бойынша сотқа дейінгі тергеу басталды. Осы мүмкіндікті пайдалана отырып, Сыбайлас жемқорлыққа қарсы іс-қимыл агенттігі таратылған сыбайлас жемқорлыққа қарсы іс-қимыл ұлттық бюросының құқықтық мұрагері ретінде Лариса Пактың туыстарына қайғырып көңіл айтады және келтірілген зиян үшін ресми кешірім сұрайды», – деді ҚР Сыбайлас жемқорлыққа қарсы іс-қимыл агенттігінің ресми өкілі Арман Тілеукенов.