Меншікті өндіріс
Біз әлеуметтік желілердеміз
Астанада олимпиадалық спорт түрлерін дамыту дирекциясының басшысы қамауға алынды
Мемлекетке келтірілген шығын көлемі 70 млн теңгені құрайды
Астанада олимпиадалық спорт түрлерін дамыту дирекциясының басшысы қамауға алынды, деп хабарлайды Almaty.tv.
Қаржылық мониторинг агенттігінің мәліметінше, қаражат жымқыру 2020-2023 жылдар аралығында шетелде де, Қазақстанның ішінде де жасалған. Оқу-жаттығулар мен жарыстарға бөлінген іс-сапар шығындары асыра көрсетілген. Іс жүзінде жұмсалған ақшадан айырма түрінде алынған қаражатты дирекция басшылығы алып отырған. Заңсыз әрекеттерден мемлекетке келтірілген шығын көлемі 70 млн теңгені құрайды.
– Сонымен бірге, ҚММ басшысы оқу-жаттығу жиындарын қаржыландыру мәселесі бойынша оң шешім қабылдағаны үшін жаттықтырушыдан 4 млн теңге көлемінде пара алғаны анықталды. ҚММ бастығына қатысты қамауға алу түріндегі бұлтартпау шарасы санкцияланды. Қазір тергеу амалдары жүргізілуде, – деді ҚР Қаржылық мониторинг агенттігінің ресми өкілі Әлібек Әбділов.