Меншікті өндіріс
Біз әлеуметтік желілердеміз
Аяусыз соққыға жығып, жаншып тастады – полицей қаңтар оқиғасы туралы
Алматылық полиция қызметкері қаңтардың алғашқы күндерінде көргенін айтып берді
«Әріптестерімді өлімші етіп сабап, есінен танып қалғанша аяусыз соққының астына алды». Осылай деген алматылық полиция қызметкері қаңтардың алғашқы күндерінде көргенін айтты, деп хабарлайды Almaty.tv тілшісі.
Оның айтуынша, ызаланған көпшілік тәртіп сақшыларын жаншып тастаған. Тас лақтырып, темірмен ұрып, қару да қолданыпты. Ал полицейлерде оларға қарсыласуға еш мүмкіндік болмаған екен.
«Олардың қарасы көп болды. Шамамен 500, тіпті 800 адамдай болды. Тәртіпсіздікке жол бермеу мақсатында оларды қайтармақ болдық. Бізге шабуыл жасайды деп ойламадық. Олар келіссөзден бас тартып, керісінше, аяусыз соққының астына алуға көшті», - деді Түрксіб аудандық ПБ патрульдік полиция полкінің инспекторы Руфан Рагимов.