Экс-министр Арыстанбек Мұхамедиұлы қамауға алынды – Антикор

29.05.2022 20:06

Тергеу жалғасып жатыр

ашық дереккөз

Соттың санкциясымен Ұлттық музей директоры Арыстанбек Мұхамедиұлына қатысты «күзетпен ұстау» бұлтартпау шарасы таңдалды, деп хабарлайды Almaty.tv Антикордың Телеграм-арнасына сілтеме жасап.

«Нұр-Cұлтан қаласы бойынша Сыбайлас жемқорлыққа қарсы қызмет «Алтын адамның әлем музейлеріне шеруі» халықаралық көрмесін өткізу жөніндегі мемлекеттік сатып алу туралы шарт аясында Қазақстан Республикасы Ұлттық музейінің лауазымды адамдарына және басқа да тұлғаларға бюджет қаражатын жымқыру белгілері бойынша 146 миллион теңге сомасында сотқа дейінгі тергеп-тексеруді жүргізеді», - деп жазды ведомство.

Агенттік хабарлауынша, 2022 жылдың 28 мамырында сот санкциясымен Ұлттық музей директоры Арыстанбек Мұхамедиұлына қатысты "қамауда ұстау" бұлтартпау шарасы қолданылды.

Тергеу жалғасып жатыр. Тергеу мүддесінде басқа ақпарат жария етуге жатпайды.
Теги: Арыстанбек Мұхамедиұлы тергеу антикоррупционная служба
Алдыңғы жаңалық
Еліміздің барлық өңірінде алғашқы қоңырау соғылды
Келесі жаңалық
Қазақстаннан Италия, Чехия және Грекияға ұшатын рейстер саны артады