Меншікті өндіріс
Біз әлеуметтік желілердеміз
Анасы бірнеше жерден пышақтаған баланың жағдайы белгілі болды
Баланы ауруханадан қашан шығаратыны әзірге белгісіз
Алматы облысында анасы бірнеше жерден пышақтаған 10 жасар баланың жағдайы тұрақты. Ол жансақтау бөлімінен хирургия бөліміне ауыстырылды, деп хабарлайды Almaty.tv тілшісі Express Qazaqstan-ға сілтеме жасап.
Облыстық денсаулық сақтау басқармасы баспасөз қызметінің мәліметінше, бала тұрақты дәрігерлер бақылауында.
«Баланың жағдайы тұрақты, орташа ауырлықта. 3 күн бұрын хирургия бөлімшесіне ауыстырылды. Дәрігерлердің бақылауымен ем қабылдап жатыр», – деді облыстық денсаулық сақтау басқармасы баспасөз қызметі.
Баланы ауруханадан қашан шығаратыны әзірге белгісіз.
Естеріңізде болса, жантүршігерлік оқиға Өтеген батыр ауылында болған еді. 37 жасар келіншек өзінің 10 жасар баласын бірнеше жерден пышақтап тастады. Бала ауыр хәлде ауруханаға жеткізілді. Ал анасы қамауға алынып, оған қатысты сот-психиатриялық сараптама тағайындалды.