Әйелі мен баласының көзінше сатқан: Алматыда есірткі саудасымен айналысқан ер адам ұсталды

Алматы полициясы газетке орап, есірткі заттарын сатып жүрген ер адамды ұстады, деп хабарлайды Polisia.kz. 

Арнайы күштер жауынгерлерімен бірлесіп, есірткі бизнесіне қарсы күрес қызметкерлерінің жүргізген арнайы іс-шарасының нәтижесінде қалада есірткі сатумен айналысатын 46 жастағы ер адам ұсталды.

«Полиция жедел-іздестіру шараларын жүргізу барысында, есірткі сатумен айналысатын 1974 жылы туған А. есімді азамат ұсталды. Бір қызығы, ол есірткіні тек газет бумаларына салып, тауарларды көбінесе үйден, әйелі мен балаларының көзінше шығарып отырған. Ұстау кезінде А. мырзаның қалтасында газет бумасы табылды, онда ерекше иісі бар қара-жасыл түсті бір зат салынған. Сонымен қатар, айыпталушының тұрғылықты жері бойынша уәкілетті іздеу жүргізілді. Үйде өсімдік тектес заттар салынған 11 газет орамы табылды. Сот-химиялық сараптамасы тәркіленген есірткінің «гашиш» екені анықтады», – деді Алматы қалалық ПД Есірткі қылмысына қарсы күрес басқармасының бастығы Ерлан Алмағамбетов. 

ПД ұсталған адам қамауға алынды деп толықтырды. Оған қатысты ҚР ҚК-нің 297-бабы «Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу» бойынша сотқа дейінгі тергеу жүріп жатыр.