Әйелін жедел сатыда аяусыз соққыға жыққан ер адамға қатысты сот үкім шығарды, деп хабарлайды Almaty.tv.
Астана қалалық Есіл ауданының №2-аудандық соты оны кінәлі деп танып, 4 жыл 8 айға бас бостандығынан айырды. Сондай-ақ жәбірленушінің пайдасына сотталушыдан 2 миллион теңге сомасында моральдық өтемақы және 4 миллион теңгеден аса мөлшерде материалдық залал өндірілетін болады. Сотталушы кінәсін қылмыстық атқару жүйесінің орташа қауіпсіздік мекемесінде өтейді.
«Жазаны өтеу үкімі заңды күшіне енгеннен бастап есептелсін. Қылмыстық кодекстің 62-бабы 3-бөлігіне сәйкес 2022 жылдың 3-қарашадан үкім заңды күшіне енгенге дейін күзетпен ұстау уақыты 1 күн. Қылмыстық атқару жүйесінің орташа ауыр мекемесінде жазасын өтеу 1,5 күн мерзімімен есептелсін», – деді Есіл ауданы №2 аудандық сотының судьясы Бахытжан Есенов.
Сотталушының қолына кісен тағылып, тура сот залынан түрмеге алып кетті. Ал оның қорғаушылары 14 күн ішінде аппеляциялық шағым беретінін айтты.
«Соттың шешімімен келісеміз. Қылмыстың өзі қоғамдық орында болды. Соққының қатты болғаны сонша әйелдің омыртқасы сынып кеткен. Қазір екі баласы да анасының қолында. Күйеуі әйеліне осылай оныншы рет қол көтергені де айтылды. Қазір екеуі ажырасып, сотталушы алимент төлеп отыр», – деді адвокаттар алқасының мүшесі Саида Сүлейменова.