СҚО-да жас ана жаңа туған нәрестесін қораға тастап кеткен

Солтүстік Қазақстанда жас ана үй жағдайында босанып, сәбиін көрші үйдің қорасында тастап кеткен. Оқиға Ғ. Мүсірепов ауданында болған, деп хабарлайды Almaty.tv тілшісі Qazaqstan Media порталына сілтеме жасап.

Белгілісі, 25 жастағы әйел қан кетіп, ауруханаға жүгінген. Дәрігерлер келіншекті тексерген соң оның жас босанған ана екенін анықтаған.

Ол үйде босанып, сәбиін көрші үйдің қорасында тастап кеткен. Қазір ана мен баланың өміріне қауіп төніп тұрған жоқ.

«Жас ана Ғ. Мүсірепов аудандық ауруханасында жатыр, жағдайы тұрақты. Сәби перинаталдық орталыққа жеткізілді. Қазіргі кезде жағдайы тұрақты, дәрігерлердің бақылауында», — деп нақтылады облыстық денсаулық сақтау басқармасының баспасөз хатшысы.