Баян Мақсатқызының фильмі Берлин кинофестивалінде бас жүлде алды

Режиссер Асқар Ұзабаев пен продюсер Баян Мақсатқызының «Бақыт» фильмі 72-ші Берлин халықаралық кинофестивалінде «Панорама» секциясының көрермендер көзайымы бойынша бас жүлдесін жеңіп алды. Бұл туралы Баян Мақсатқызы өзінің instagram желісінде жазды, деп хабарлайды Almaty.tv тілшісі nege.kz сайтына сілтеме жасап. 

«Бүгін біздің картинаның «Панорама» секциясында бас жүлдеге ие болғаны белгілі болды. Бұл Берлиналдағы ең беделді бөлім. Пандемия кезінде бізді 20 мың адам қарады, олардың көпшілігі біздің суретімізге дауыс берген екен. Мен өте бақыттымын, өйткені бір жыл бұрын жасалған еңбек нәтижесін берді. Біздің проблемамыз туралы картинамыз тек Қазақстанда ғана емес, бүкіл әлемде көрсетілетін болады», – деді продюсер.

Ол қазақстандық фильмнің фестивальде үлкен резонанс тудырғанын айтты. Тұрмыстық зорлық-зомбылық туралы баяндайтын «Бақыт» фильмі көрермендерден де, халықаралық баспасөзден де көптеген таңданарлық пікірлер алған.

Тұрмыстық зорлық мәселесі тек Қазақстанда ғана емес, бүкіл әлемде өткір тақырып. Фильм шынайы оқиғаларға негізделген. Сценарий авторлары Әсем Жапишева мен Асқар Ұзабаев барлық материалдарды мұқият жинаған.

Берлиналедегі «Панорама» секциясы 80-ші жылдардан бері негізгі конкурстан кейінгі ең беделдісі болып саналады. Панорамада кең аудиторияға арналған суреттер көрсетіледі және бұл байқаудың қазылар алқасы киноиндустрия мамандарынан емес,  көрермендерден тұрады. Олар фильмдерге тікелей дауыс береді. Биылғы жылы секцияға 33 елден 29 картина қатысқан.

«Берлинале сыйлығы бұл менің арманым. Менің ең үлкен тілегім – қоғамның, мемлекеттің және заңның әйелге деген көзқарасын өзгерту. Бұл менің миссиям. Егер бұл фильм тек Қазақстан үшін ғана түсірілсе, ештеңе өзгермес еді, ал қазір біздің фильмге көп көңіл бөлінетінін білемін», – деді Баян Мақсатқызы.

«Сыйлықты қазылар алқасынан емес, біздің ішкі жарамызды сезінген көрермендерден алу біздің фильмге қатысты берілген ең жақсы баға. Бұл ең адал сыйлық, ал сол көрермендерді тану әрбір режиссердің негізгі мақсаты», – деді Асқар Ұзабаев.

«Бақыт» фильімінің негізгі сюжеті біздің еліміздегі кішкентай қалашықтағы бір отбасының ұзақ жылдар бойы келе жатқан зорлық-зомбылық әрекетін көрсетеді. Басты үш кейіпкер күйеуі, әйелі және олардың қыздары арасындағы қысым әрекеттері өздерін құрбанға айналдырғанын бейнелейді.