Алматыдағы «Алатау» дәстүрлі өнер театрында қазақтың ұлы жазушысы Мұхтар Әуезовтың 125 жылдығына орай мерекелік кеш өтті, деп хабарлайды Almaty.tv.
Іс-шара барысында қазақ әдебиеті классигінің өмірбаянына бағытталған бейнеролик көрсетіліп, баяндама жасалды. Сонымен қатар тұлғаның шығармашылығына қатысты түрлі әндер шырқалды. Аталмыш кеште жазушының жақындары мен қала әкімінің орынбасары да арнайы келіпті.
«Мақсатмыз – Мұхтар Әуезовтың өмірі мен шығармашылығын насихаттау. «Әуезов үйі» ғылыми-мәдени орталығының жетекшісі, Мұхтар Әуезовтың немересі Дияр Асқарұлы Қонаев бүгін осында қатысып отыр. Еліміздің мәдениет қайраткерлері, өнер қайраткерлері, Қазақстан Жазушылар Одағының мүшелері арнайы келді», – деді әуезовтанушы Мамай Ахетов.
