Алматының Абай алаңында Нұрғиса Тілендиев атындағы «Отырар сазы» академиялық фольклорлық-этнографиялық оркестрі мен «iFly» этно-электрондық тобының бірлескен концерттік бағдарламасы өтті, деп хабарлайды Almaty.tv.
Қала күнін мерекелеу аясында ұйымдастырылған іс-шарада халық әндері орындалып, көрерменнің құлақ құрышын қандырды.
Халық әндері мен электронды музыканы біріктірген кеште «Отырар сазы» академиялық фольклорлық-этнографиялық оркестрінің бас дирижері – Дінзухра Тілендиева өнер көрсетсе, танымал скрипкашы Жәмила Серкебаева концерттің сәнін келтірді. Сондай-ақ «Куә бол» мен «Жас ұландар» әнінің жаңа нұсқасы орындалды.
– Біз бүгінгі концертке 2 ай дайындалдық. Мұндай кештерді өткізгенде мұқият болуға тырысамыз. Концерттік бағдарламаларды жылына бірнеше рет өткіземіз. Оны мінсіз ұйымдастыру үшін көп күш қажет, – деді «ifly» тобының вокалисі Ксения Сухомазова.
Оқи отырыңыз: Алматыда Мұзафар Әлімбаевтың кітабы жарық көрді