Алматыда «Сәлем, Елорда» өнер фестивалінің концерті өтті

Алматыда Мәдениет және спорт министрлігінің қолдауымен мемлекеттік «Сәлем, Елорда» өнер фестивалінің концерті өтті, деп хабарлайды Almaty.tv.

Өңірлерден келген өнерпаздар Жамбыл атындағы Қазақ мемлекеттік филармониясының сахнасында ән шырқап, көрерменге ерекше көңіл-күй сыйлады. Аталмыш өнер шеруі Тәуелсіздіктің 30 жылдығына, сондай-ақ жыр алыбы Жамбылдың 175 жылдығына арналды.

Өнер фестивалінің негізгі көздеген мақсаты жайында осы өнер шеруін ұйымдастырушысы Жеңіс Сейдуллаұлы жауап берді.

«Мақсат біреу – қазақтың өнерін жақсы насихаттап, әлемге паш ету. Тек қана біздің елімізге ғана емес, әлемнің кез-келген аренасында қазақ өнері үстем болып тұру керек. Әлемге паш ету үшін әрбір өңірден таланттарды іздеп жатырмыз. Жер-жерде болып жатқан дүниелердің бәрін біліп, сараптама жасап жүреміз. Әр өңірдің мәдениет басшыларымен байланыстамыз. Олармен бірге жиын өткізіп, тәжірибе алмасамыз», – деді ҚР Еңбек сіңірген қайраткері Жеңіс Сейдуллаұлы.