Биыл Амангелді Имановтың туғанына 150 жыл толды

Ұлт-азаттық көтерілістің бас сардары Амангелді Имановтың туғанына 150 жыл толды. Халық батырының құрметіне орай Алматының мемлекеттік орталық музейінде әдеби-сазды кеш өтті, деп хабарлайды Almaty.tv.

Іс-шара барысында түрлі фотосурет қойылған көрме тағылымы тарихтан мол сыр шертті. Жиынға батырдың ұрпақтары мен қоғам қайраткерлері қатысып, өз құттықтауын жеткізді. Жиналғандар әдеби-сазды кеш жас ұрпақтың патриоттық сезімін оятып, өткенін ұмытпауға үлесін қосатынына сенімді.

«Ол кісінің ерен еңбегі – жас ұрпаққа үлгі. Сондықтан да, бұндай іс-шараларды жиі өткізу керек. Жетісу өңірінде де батыр көп. Жас ұрпаққа тәрбие болады деп ойлаймын», – деді А. Имановтың ұрпағы Салтанат Сұлтанова.