Алматыда Мұхтар Шахановтың 80 жылдық мерейтойына арналған форум өтті

«Жігерлендіру». Алматыда осындай атаумен Қазақстанның Еңбек Ері, ақын Мұхтар Шахановтың 80 жылдық мерейтойына арналған форум өтті, деп хабарлайды Almaty.tv тілшісі.

Ұлттық құндылықтар ассоциациясының ұйымдастыруымен өткізілген жиынға қоғам қайраткерлері мен белсенділер қатысты. Іс-шарада ақынның өлеңдері оқылып, сөзіне жазылған әуезді әндер шырқалды.

«Жастардың лебізі ретінде жастарға рух, жігер беру мақсатында Мұхтар ағамыздың мерейтойына арналған «Жігерлендіру» атты форумын өткізіп жатырмыз. Шараның басты мақсаты – Мұхтар ағамыздың шығармашылығын дәріптеу, насихаттау, оның кезінде мемлекеттік қызмет саласындағы  істерін тілге тиек ету», – деді Ұлттық құндылықтар ассоциациясының құрылтайшысы Азамат Жолданбаев.