Шымкентте пневмониямен жансақтау бөліміне түскен 15 жастағы жасөспірім жазылып шықты

Шымкентте өкпесі қабынып түскен 15 жастағы жасөспірімнің жағдайы жақсарды. Науқас қалалық клиникалық балалар ауруханасына 27 маусым жеткізіліп, бірден жансақтау бөліміне жатқызылған болатын, деп хабарлайды Almaty.tv тілшісі ҚазАқпаратқа сілтеме жасап.

Баланың жағдайы ауыр болғандықтан, оған реанимациялық ем-дом жасалған. Дәрігерлер өздігінен демала алмаған науқасты оксигенация аппаратына қосып, оксигенотерапия және вирусқа қарсы терапия емін үздіксіз жүргізген. Өкпесінің 50 пайызы зақымданған жасөспірім дәрігерлердің қатаң бақылауында болып, дер кезінде көрсетілген көмектің нәтижесінде 10-шы күні жансақтау бөлімінен пульмонология бөлімшесіне ауыстырылды. Кейіннен науқастың демікпесі азайып, дене қызуының гемодинамикасы қалыпқа түскен. 

Денсаулығы жақсарған жасөспірімді медицина мамандары үйіне ауруханадан шығарды.