Қант диабетімен жүктілікті қалай жоспарлауға болады

Қант диабетімен ауыратын болсаңыз, жүктілікті жоспарлауға бола ма? Өмірге сау бала әкеле аласыз ба? Осы және өзге сұраққа мамандар жауап берді, деп хабарлайды Almaty.tv.

Егер 1немесе 2 типті қант диабеті диагнозы қойылса, қауіп жоғары болуы мүмкін: ірі нәресте қиын босану қаупін арттырады, босануды ынталандырады немесе кесарь тілігін жасау қажет болады, түсік түсуі мүмкін.

Қант диабетімен ауыратын әйелдер, жүкті болса да, болмаса да көз және бүйрек проблемаларының даму қаупіне ұшырайды. Жүктілік олардың даму қаупін арттырып, бар проблемаларды күшейтуі мүмкін.

Балаңызға қауіп төнуі мүмкін:

• туылғаннан кейінгі жүрек және тыныс алу проблемалары,

• кейінірек семіздік немесе қант диабетінің дамуы,

• бала туа біткен ақаулармен, атап айтқанда жүрек пен жүйке жүйесінің ауытқуымен туылуы мүмкін, өлі туылуы немесе туылғаннан кейін көп ұзамай көз жұмуы мүмкін.

Жүктілікке дейін және жүктілік кезінде қант диабетін дұрыс басқару бұл қауіптерді азайтуға көмектеседі.

Қант диабетімен ауыратын әйелдерде шала туылған нәрестелерді туу ықтималдығы 5 есе жоғары.

- Жүктілікті жоспарлау керек. Жүктілік алдында эндокринолог дәрігерден кеңес алу қажет. Үш айда 1 рет гликирленген гемоблобинге тест тапсыру керек. Егер 6,5%-дан деңгейді төмен түсіре алмасаңыз, сізге және балаңызға асқыну қаупін азайту үшін оны мүмкіндігінше жақындатуға тырысыңыз. Егер оның деңгейі 10%-дан жоғары болса, ол нысаналы мәндерге жақындағанша жүкті болуға тырыспау кеңес береміз, - дейді Кардиология және ішкі аурулар ҒЗИ №1 терапия бөлімшесінің эндокринолог дәрігері Балнұр Сұлтанова.

Қант диабеті болса және жүкті болғыңыз келсе, күніне 5 мг фолий қышқылын қабылдау керек (жүктіліктің 12 аптасына дейін). Фолий қышқылын қабылдау баланың омыртқасының ыдырауы және диабеттік фетопатия сияқты туа біткен ақаулардың дамуын болдырмауға көмектеседі. Егер қант диабетін бақылау үшін дәрілер қабылдасаңыз, инсулин инъекциясына ауысуыңыз керек.

Жүктілік кезінде қандағы глюкозаны жиі бақылау қажет, өйткені жүктілік кезінде жүрек айнуы мен құсу оның деңгейіне әсер етуі мүмкін. Дәрігер немесе акушер бұл туралы кеңес бере алады.

Жүктілік кезінде диабеттік ретинопатия белгілерін анықтау үшін көзді үнемі тексеру қажет. Егер ол ерте анықталса, оны емдеуге болады. Циклоскопия жасау керек.

Жүктіліктен кейін қандағы глюкозаны бақылау үшін көп инсулин қажет емес. Инсулин дозасын жүктілікке дейінгі дозаға дейін төмендетуіңіз керек немесе жүктілікке дейін қабылдаған дәрілерге қайтып оралуыңыз керек. Бұл туралы эндокринологпен кеңесіп сөйлесу қажет.