Алматыда қатерлі ісік ауруынан болатын өлім-жітім айтарлықтай төмендеген. Алматы онкологиялық орталығы бас дәрігерінің орынбасары Жанна Қожаева ослай мәлімдеді, деп хабарлайды Almaty.tv.
Оның айтуынша, емдеудің ең тиімді әдістерін қолдану болашақта барынша қолайлы нәтижемен ем жүргізуге мүмкіндік береді.
Яғни, химиотерапия қатерлі ісік ауруын емдеуде маңызды орын алады. Қазіргі уақытта орталықтың арсеналында химиялық препараттардың 40-тан астам түрі, 30-дан астам таргеттік және гормондық препарат бар.
Тек өткен жылдың өзінде орталықта 14 696 пациент химиотерапиялық емделді.
«TrueBeam STX» жоғары энергетикалық желілік үдеткіштегі радиологиялық бөлімшеде өткен кезеңде онкологиялық науқастарға 32 000-нан астам сәуле терапиясының сеансы өткізілді.
«Осы аппараттың көмегімен біз онкологияның кез келген түрі бар адамдар үшін анағұрлым дәл қарқынды және көлемді сәулелік терапия жүргіземіз. Бұл қондырғы адамға әсер етпестен зарядталған бөлшектердің шоғырын ісіктің өзіне тікелей бағыттауға мүмкіндік береді», - деп түсіндірді АОО бөлімінің меңгерушісі Евгений Ишкинин.
Онкологтар қазақстандықтарға қатерлі ісікті емдеуге болатынын хабарлайды. Бірінші кезеңде анықталған ауру 90% емдеуге үлкен мүмкіндік береді.
«Өкінішке қарай, халық елімізде жүргізілетін тегін скринингтен өтуді жиі елемейді, сондықтан біз тағы да ескертеміз және профилактикалық тексерулерден уақтылы өтуге шақырамыз», - деп атап өтті Бас дәрігердің орынбасары Әлия Төрешева.
