Елбасы Нұр-Сұлтан мен Алматыда екі медициналық орталық салуды тапсырды

«Самұрық-Қазынаның» ішкі резервтерінен ірі мегаполистерде – Нұр-Сұлтан және Алматы қалаларында екі медициналық орталықтың құрылысына қаражат бөлінеді, деп хабарлайды Almaty.tv.

Бүгін Елбасы Нұрсұлтан Назарбаев Қорды басқару жөніндегі кеңестің төрағасы ретінде  «Самұрық-Қазына» ұлттық әл-ауқат қоры» акционерлік қоғамы басқармасының төрағасы Ахметжан Есімовке осындай тапсырма берді. 

Медициналық орталықтардың жұмысы ғылыми-зерттеу әлеуетін күшейтуге бағытталады. Бұл қадам келер ұрпақты ықтимал қатерлерден сақтап қалуға мүмкіндік береді, деді Елбасы. Үкімет пен әкімдер бұл бастаманы қолдайтынына сенім білдірді.