Орталық қалалық клиникада жаңа медициналық технология енгізілді

Орталық қалалық клиникалық аурухана жаңа озық медициналық технологияны енгізуді жалғастырып келеді, деп хабарлайды Almaty.tv.

Жақында мұнда хирургиялық араласудың жаңа түрі – аутоплазманы енгізумен эпиретинальды мембрананы (мембранопилинг) алып тастау сәтті игерілді. Бұл инновациялық процедура макуланың толық немесе толық емес жыртылуы орын алған витрео-макулярлы тарту синдромы бар науқастарды емдеуге арналған

Витрео-макулярлы тарту синдромы - шыны тәрізді дененің макулаға, тордың орталық бөлігіне қалыптан тыс тартылуымен сипатталатын ауру.

Ауру макуланың деформациясы мен жыртылуына әкеледі, бұл көру қабілетінің айтарлықтай төмендеуіне, кескіндерді бұрмалап қабылдауға және уақтылы шаралар қабылданбаса, соқырлыққа әкелуі мүмкін.

"Орталық қалалық клиникалық ауруханада енгізілген жаңа әдіс инновациялық қадамды эпиретинальды мембрананы алып тастауды (мембранопилинг) қамтиды. Бұл макуланың керілуін жоюға бағытталған отаның негізгі кезеңі. Біз эпиретинальды мембрананы мұқият алып тастаймыз, макуланы кернеуден босатамыз және тордың қалыпты анатомиялық орнын қалпына келтіреміз. Мембрананы алып тастағаннан кейін пациенттің аутоплазмасы – өсу факторлары мен қоректік заттарға бай қан компоненті - макула аймағына енгізіледі. Аутоплазма тіндердің тез жазылуына ықпал етеді, регенерацияны жақсартады және отадан кейінгі асқыну қаупін азайтады", - дейді офтальмология бөлімінің меңгерушісі Гүлзат Абдраимова.

Бұл әдістің бірнеше негізгі артықшылығы бар: жеделдетілген емдеу, өйткені аутоплазма макула тіндерінің тез қалпына келуіне және асқыну қаупін азайтуға көмектеседі, яғни қабыну процесі мен отадан кейінгі басқа асқынудың ықтималдығын азайтады.

Гүлзат Абдраимова жаңа процедурадан өткен алғашқы науқастар көру қабілетін қалпына келтіруде оң динамиканы көрсететінін атап өтті.

Науқастардың көпшілігінде визуалды функцияның айтарлықтай жақсаруы және витрео-макулярлы тарту синдромы симптомдарының төмендеуі байқалады.

"Барлық қызметкерге рахмет, керемет ұжым. Гүлзат Талғатқызы нағыз сиқыршы. Мен сол көзімнің тек 1 пайызы ғана көретін күйде ауруханаға түстім. Қазір өте жақсы көремін. Мен бұл ауруханада осындай ота жасай бастағанын естіген бойда бірден келістім. Мұнда портал арқылы келдім. Ақ халатты абзал жандарға рахмет", - дейді науқас.