|
20.12.2021 | 17:02
5447

Алматыда 2021 жылы тұрғын үй құрылысының көлемі артты

2021 жылдың 11 айында коммерциялық құрылыс есебінен 13 322 пәтер және бюджет есебінен 1 326 пәтер пайдалануға берілді

Алматыда 2021 жылы тұрғын үй құрылысының көлемі артты Almaty.tv
Алматыда 2021 жылы тұрғын үй құрылысының көлемі артты. Бұл туралы Өңірлік коммуникациялар қызметінің баспасөз конференциясы барысында Алматы қаласы Қалалық жоспарлау және урбанистика басқармасының басшысы Алмасхан Ахмеджанов хабарлады. Ол пандемияның қиын кезеңінде пайдалануға берілетін тұрғын үй көлемі төмендеп қана қоймай, тіпті 8%-ға өскенін айтты, деп хабарлайды Almaty.tv.

Бұған бас сәулетші айтқан басқарманың мәліметтері дәлел бола алады. 2021 жылдың 11 айында коммерциялық құрылыс есебінен 13 322 пәтер және бюджет есебінен 1 326 пәтер пайдалануға берілді.

Сондай-ақ 10 мың шаршы метрден астам жатақхана және 2 313 жеке тұрғын үй салынды.

А. Ахмеджанов тұрғын үйдің қолжетімділігін арттыру – Мемлекет басшысы қойған басым міндеттердің бірі екенін еске салды. Сондықтан Алматыда пандемия кезінде тұрғын үй құрылысының азайғаны дағдарысқа қарсы шаралардың уақтылығы мен өзектілігін көрсетеді.

Сондай-ақ ол жаңа тұрғын үйлер негізінен қалаға қосылған аумақтарда салынатынын, бұл «Жаңа Алматының» дамуына ықпал ететінін хабарлады.

Бас архитектор атап өткендей, жаңа тұрғын үймен бірге қалада әлеуметтік инфрақұрылым құрылып, мектептер мен балабақшалар салынуда. Қазіргі уақытта мегаполисте 12,5 мыңнан астам оқушы орнына арналған сегіз мемлекеттік мектеп салынуда. Оның үшеуін (5 мыңнан астам орынға) жыл соңына дейін тапсыру жоспарланған.

«Оқу жылының басынан бері 2 656 орынды 13 жекеменшік мектеп ашылды. Жыл соңына дейін 8 263 орынды 17 жапсарлас құрылыс салу жоспарланған болатын. Олардың 11-іне балалар партаға отырды. Осылайша, жыл соңына дейін 16 мыңнан астам жаңа оқу орны ашылады», – деді А. Ахмеджанов.

Сонымен қатар Алматыда үш мемлекеттік балабақшаның құрылысы аяқталды (360 орынды), 72 жеке балабақша ашылды (4,7 мың орынды).

Қала әкімі Бақытжан Сағынтаев «Алматы – 2050» Стратегиясында белгіленген «шетсіз қала» қағидатын ұстана отырып, тұрғын үй шаршы метрлерін заманауи мектептермен, балабақшалармен және денсаулық сақтау объектілерімен бірге енгізу міндетін алға қойған болатын.
Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Прямой эфир