|
30.11.2021 | 17:42
9196

Алматыға қосылған аумақтарда инфрақұрылым қалай дамып жатыр

Қарасай, Талғар және Іле аудандары учаскелерінің мегаполиске қосылуына байланысты қала билігі халықты таза ауыз сумен қамтамасыз етуге ерекше көңіл бөлуде

Алматыға қосылған аумақтарда инфрақұрылым қалай дамып жатыр vlast.kz

Алматы әкімінің орынбасары Мұхит Әзірбаев Өңірлік коммуникациялар қызметінің баспасөз конференциясында қалаға қосылған аумақтарды инфрақұрылымдық дамыту бойынша жұмыстар туралы айтып берді, деп хабарлайды Almaty.tv тілшісі.

Қарасай, Талғар және Іле аудандары учаскелерінің мегаполиске қосылуына байланысты қала билігі халықты таза ауыз сумен қамтамасыз етуге ерекше көңіл бөлуде.

Әкім орынбасарының айтуынша, ағымдағы 2021 жылы сумен жабдықтау және су бұру желілерінің құрылысы бойынша жұмыстар 24 шағын ауданды қамтыды.  10 айда 120 км сумен жабдықтау және 77 км кәріз желісі жүргізілді. 14 шағын ауданда ағымдағы жылы желілердің құрылысын аяқтау жоспарлануда, бұл 23 мыңнан астам үйді қалалық желілерге қосуға мүмкіндік береді.

Алматы билігі сапалы электрмен жабдықтау мәселесін де назардан тыс қалдырмады.

Мәселен, «Тұздыбастау» қосалқы станциясын салу есебінен Түрксіб ауданының  200 мыңнан астам тұрғыны 2022 жылы тұрақты электрмен жабдықтауға қол жеткізеді.

Сондай-ақ, Жетісу ауданында жаңа қосалқы станция құрылысын бастау жоспарлануда.

Әкімнің орынбасары тұрақты электрмен жабдықтау бойынша жұмыстар иесіз желілер бойынша да жүргізіліп жатқанын атап өтті. Биыл 91,8 км электр желілері иесіз деп танылып, «Алатау Жарық Компаниясы»АҚ-ға қызмет көрсету үшін берілді. Қазіргі уақытта 83,5 км иесіз желілер Энерготиімділік және инфрақұрылымдық даму басқармасына бекітіліп, кейіннен «Алатау Жарық Компаниясы»АҚ-ға берілетін болады.

«Шетсіз қала» тұжырымдамасын іске асыру кезінде сыртқы жарықтандыруға ерекше көңіл бөлінеді. Қала әкімі Бақытжан Сағынтаевтың соңғы 2 жылдағы бастамасының арқасында мегаполистің 1 963 көшесі көше шамдарымен қамтамасыз етілді.

Әкім орынбасарының айтуынша, бүгінгі таңда мегаполис тұрғындарының 99,2%-і табиғи газға қол жеткізіп отыр. 2022 жылы үйлердің 100%-і газбен қамтамасыз етіледі.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир