Тұран университетінде белгілі жазушы Нағашыбек Қапалбекұлының «Кек» романы желісі бойынша интеллектуалды дискуссия өтті, деп хабарлайды Almaty.tv тілшісі.
Халықаралық деңгейде ұйымдастырылған іс-шараға танымал жазушылар, бауырлас Түркия елінің ғалымдары онлайн байланыс арқылы қатысты. Қазақтың ашаршылық заманындағы сұм тағдыры мен Омарбек батырдың ерлігі арқау болған шығарма аясында студенттер арасында сайыс өтіп, үздіктері марапатталды.
«Жазушының бақыты – жазған шығармасын оқырманының жақсы бағалауы, соны түсінуі. Мен риза болғаным осы жердегі 100-ден астам студент романды тұтас оқып, пікір білдіріп, жазып жатыр», – деді жазушы Нағашыбек Қапалбекұлы.