Бүгін Алматы мемлекеттік бизнес колледжінің мамандары шеберлік сағатын өткізді, деп хабарлайды Almaty.tv тілшісі.
Үздіксіз кәсіп оқытуды қамтамасыз ету мақсатында өткен шараға мектеп түлектері қатысты. Олар оқушыларға тәтті тағамдар дайындаудың қыр-сырын үйретіп, қызығушылығын оятты. Ұйымдастырушылардың айтуынша, қаламызда аспаздарға сұраныс өте жоғары.
«Бізде көптеген инновациялық құрал-жабдықтармен жабдықталған зертхана бар. Оның төртеуі қайтадан күрделі жөндеуден өтіп ашылады», – деді Алматы мемлекеттік бизнес колледжі технологиялық пәндер бірлестігінің төрайымы Жанар Қаппасова.
«Аспаздар мені практикаға жіберді. Тәжірибеден өтіп, сол мейрамханаға жұмысқа тұрдым», – деді аспаз Диана Юсуп.