Меншікті өндіріс
Біз әлеуметтік желілердеміз
Алматыда «Түрксіб аруы – 2022» атты байқау өтті
27.04.2022 22:15
Сайыста 14 пен 16 жас аралығындағы оқушы қыздар қатысып, өнер көрсетті
Almaty.tv
Алматыда балалар жылына орай «Түрксіб аруы – 2022» байқауы өтті, деп хабарлайды Almaty.tv тілшісі.
Іс-шараға 14 пен 16 жас аралығындағы оқушы қыздар қатысып, өз өнерлерін ортаға салды. 5 кезеңнен тұратын конкурстың басты мақсаты – қазақ халқының ғасырлар бойы келе жатқан мәдениеті мен өнерін, салт-дәстүрін дәріптеу. Шара соңында байқау жеңімпаздары анықталып, оларға бағалы сыйлықтар табысталды.
«Негізгі бүгінгі байқауды өткізу мақсатымыз – ұлттық құндылықты дәріптеу. Қыз тәрбиесіне мән беріп, болашаққа бағыт беру. Бүгінгі іс-шара балалар жылына арнайы ұйымдастырылды», – деді №6 оқушылар үйінің әдістемелік бөлім меңгерушісі Шекер Сыздықбаева.