Б. Сағынтаев Алматыда мектеп құрылысының қарқынын төмендетпеуді тапсырды

Алматы қаласының әкімі Б. Сағынтаевтың төрағалығымен өткен жұмыс кеңесінде Мемлекет басшысының мектептердің үдемелі құрылысы туралы тапсырмасын орындау барысы қаралды, деп хабарлайды Almaty.tv.

Бүгінде Алматыда 12 600 оқушыға арналған 8 мектептің құрылысы жүргізіліп жатыр. Сонымен қатар, Алатау ауданында 5 мектеп салынып жатыр, оның ішінде Саялы шағын ауданында – 1 800 орынды, Дархан шағын ауданында – 1 500 орынды, Мәдениет шағын ауданында – 1 500 орынды, Томирис шағын ауданында – 1 500 орынды, Нұркент шағын ауданында – 1 500 орынды. Наурызбай ауданының Қалқаман шағын ауданында – 1 500 орынды, Қалқаман-2 шағын ауданында – 1 800 орынды. Түрксіб ауданының Қайрат шағын ауданында 1 500 орынды.

Қалқаман-2, Томирис және Саялы шағын аудандарындағы үш мектепті осы жылдың соңына дейін пайдалануға беру жоспарлануда. Сондай-ақ №№81, 40, 45, 54 төрт мектептерді сейсмикалық күшейту және күрделі жөндеу бойынша құрылыс-монтаж жұмыстары жүргізілді.

Сонымен қатар 18 жаңа корпустың құрылысы жүргізілуде, оның ішінде 9 мектеп жанындағы жаңа корпустардың құрылысы аяқталды. №166 мектеп жанындағы 125 орын, №60 - 600 орын, 6 - 900 орын, 121 - 450 орын, 133 - 450 орын, 144 - 300 орын, 170 - 300 орын, 199 - 425 орын, 38 - 600 орын.

№57, 102, 132, 117, 186 мектептерге арналған тағы 5 корпусты қазан айында пайдалануға беру жоспарлануда. №34, 177, 191, 43 мектептерінің қалған 4-і осы жылдың қараша айында аяқтау жоспарлануда.

Б. Сағынтаевтың тапсырмасы бойынша даму жоспарын әзірлеу кезінде «алдымен мектеп, содан кейін үй» қағидасын ұстану қажет. Басты мақсат – қолданыстағы мектептерді шамадан тыс жүктемеу және жаңа шаршы метр тұрғын үйлермен бірге білім беру нысандарын тапсыру.