Абай атындағы Қазақ ұлттық педагогикалық университетіне түскен білім алушылар саны рекордтық көрсеткішке жетті, деп хабарлайды Almaty.tv.
Биыл жоғары оқу орны табалдырығын 6000-нан аса талапкер аттаса, оның 5200-ден астамы бакалавриат бағдарламасы бойынша түскен. Бұл туралы Білім күніне арналған салтанатты іс-шарада айтылды. Мерекелік жиынға профессорлық-оқытушылық құраммен қатар, елге орасан зор еңбегін сіңірген университет мақтаныштары мен түлектері қатысты.
– Биыл «Алтын белгі» иегері өте көп. Бұл біріншіден, университеттің дәрежесін, деңгейін көрсетсе, екіншіден, педагог мамандығының абыройын білдіреді. Демек олар қалаулы мамандықтар тізімінде тұрғанын дәлелдеп отыр, – деді Абай атындағы ҚазҰПУ басқарма төрағасы – ректор Болат Тілеп.
Оқи отырыңыз: «Грантқа түсіремін»: ата-аналардан 7 млн теңге алған алаяқ ұсталды
