Атырауда автобус жүргізушісі 6 жастағы баланы қағып кетті

Атырауда автобус жүргізушісі 6 жастағы баланы қағып кетті. Қайғылы жағдай қаладағы Байтақ-2 ықшамауданында болған, деп хабарлайды Almaty.tv.

Куәгерлердің айтуынша, оқушы аялдаманың жанында жолдан өтіп бара жатыпты. Сол сәтте қоғамдық көлік басып кеткен. Дәрігерлер жеткіншектің өмірін сақтау үшін бар күшін салған.

Өкінішке қарай, алған қатты жарақат салдарынан бала бақилық болды. Полиция 58 жастағы автобус жүргізушісін қамауға алды. Жалпы жыл басынан бері облыста 35 жол апаты болып, салдарынан 2 адам қайтыс болған. Ал 45 жолаушы әртүрлі дене жарақаттарын алыпты.

Оқи отырыңыз: Елордада бастауыш сынып оқушылары қашықтан оқиды