Танымал журналист Сәуле Әбілдаханқызы қазір қаладағы №7 ауруханаға жеткізілді. Дәрігерлер оның миы шайқалған деп отыр, деп жазады KYN.KZ.
Кеше түсте Наурызбай ауданындағы Ішкі істер департаментіне шақырылған Сәуле Әбілдаханқызын ол жерде 2 сағаттай ұстап, басқа есіктен шығарған. Сол сәтте есік аузынан оны бір топ келіншек күтіп алған. Сөйткен де, олар әй-шәй жоқ ауыдазына келгенін айтып, Сәулені аямай соққыға жыққан. Атап айтқанда, ішінен ұрып, шашынан сүйреген, бірақ бетіне тимеген. Ең сорақысы, осының бәрін Наурызбай ІІБ-нен шыққан екі жігіт пен бетіне маска киіп тұрған тағы бір жігіт ұялы телефонға түсіріп тұрған.
«Сәуле үйінде, телефоны жоқ, сағат 18.00 Түрксіб аудандық ІІБ-не шақырып жатыр, дереу үйіне барғандарың, ІІБ-не жалғыз жібермегендерің жөн!»,-деп жазды заңгер Абзал Құспан.
Журналист үйіне жеткенде өзін жайсыз сезінсе керек, дереу жедел жәрдем шақырған. Содан ауруханаға жеткізіліп, қазір ол сонда ем қабылдап жатыр.