Шымкентте даладан табылған нәрестенің анасы ұсталды

.inform.kz

Полицейлер баланы қауіпті жағдайда қалдырғаны үшін қылмыстық іс қозғады

Шымкентте жаңа туған баласын көшеге тастап кеткен 27 жастағы әйел ұсталды, деп хабарлайды Almaty.tv.

Otyrar сайтының мәліметінше, әйелге қатысты 119-баптың бірінші бөлігі (Қауіпті жағдайда қалдыру) бойынша қылмыстық іс қозғалған.

Бірнеше күн бұрын Т. Рысқұлов көшесінде орналасқан жедел жәрдем Call-орталығы жанынан тастанды нәресте табылған болатын. Ол ұл бала, салмағы – 3 келі. Оны студент қыздар тауып алып, полицияға хабарлаған.

Аталған факті бойынша жүргізілген жедел-іздестіру іс-шараларының нәтижесінде 12 наурызда 27 жастағы қала тұрғыны анықталып, полицияға жеткізілді.

Қазір бұл іске қатысты тергеу амалдары жүріп жатыр.