Жарылмаған снарядтар әлі жатыр: арыстықтарға үйге оралу қауіпті

Арыс қаласы аумағында Түркістан облысы Полиция департаментінің 448 қызметкері мен 75 арнайы автокөлігі жұмылдырылды, деп хабарлайды Түркістан облысы әкімінің баспасөз қызметі.

Ұлттық гвардияның №6506 әскери бөлімінің 580 әскери қызметшісі және 36 арнайы автокөлігі, оның ішінде тұрғындарды эвакуациялауға қажетті жоғары өтімділікті 10  «Урал» автокөлігі, әскери полицияның 10 қызметкері, №0358 әскери бөлімінің 200 әскери қызметшісі (барлығы 1238 қызметкер) бар.

Сондай-ақ ҚР Қорғаныс министрлігіне бағынысты бөлімшелердің 1800 әскери қызметкері мен 50 арнайы техника тартылды.

25-26 маусым күндері облыстық полиция департаментінің қызметкерлері ұрлықтың 4 фактісінің алдын алды.

Қала периметрі бойынша қосымша Арыс ауыл жолдарына 20 бекет қойылды.

Патрульдеу барысында полиция қызметкерлерімен 37 бас мал (22 ірі қара, 15 ұсақ мал), сондай-ақ 150 иесіз қой анықталып, күзетке алынды.

Полиция департаменті сондай-ақ 25 маусымда Қорғаныс министрлігінің бөлімшелерімен бірлесе отырып, Арыс қаласының аумағын минасыздандыру бойынша іс-шаралар өткізді. Нәтижесінде 130-ға жуық снаряд табылды.