Б.Сағынтаев алматылық Дәурен Рымқұловтың ерлігін жанқиярлық пен батылдықтың үлгісі деп атады

Алматыда Adam Bol Awards сыйлығының лауреаттары марапатталды. Лауреаттар қатарында алматылық Дәурен Рымқұлов бар. Бұл туралы қала әкімі Бақытжан Сағынтаев өзінің Twitter-дегі парақшасында жазды, деп хабарлайды Almaty.tv.

«Adam Bol Awards алғашқы қазақстандық марапаттың салтанатты рәсімі кезінде алматылық Дәурен Рымқұловтың ерлігі ескерілді. Еске сала кетейін, ол өрттен алты адамды құтқарды. Сыйлық лауреаттарының әрқайсысы құрметке лайық әрі қоғамға қызмет етудің, жанқиярлық пен батылдықтың үлгісі», – деп жазды әкім.