Бүгін – елімізде жалпыұлттық аза тұту күні. Кеше таңғы уақытта Алматы маңында ұшақ апатынан адамдардың қаза болуына байланысты Президент Қасым-Жомарт Тоқаев 28 желтоқсанды жалпыұлттық аза тұту күні деп жариялаған еді. Түнгі сағат 12:00-ден бастап еліміздегі барлық мемлекеттік тулары төмен түсірілді, деп хабарлайды Almaty.tv тілшісі.
Айта кетейік, Қазақстандағы ең үлкен ту Нұр-Сұлтан қаласында. Елорданың кез келген жерінен көрінетін биіктігі 111 метр жалау бүгін желбіремейтін болады.
Сонымен қатар, Алматыдағы туларда 28 желтоқсанға ауысқан минуттан бастап төмен түсірілді. Қала әкімдігінің шешімімен жаңа жыл мерекесі қарсаңында безендірілген шыршалардың да жарығы сөндіріліп, мерекелік шаралар мен ойын-сауық кештері кейінге шегірілді. Аза тұту күнінде қаладағы барлық мерекелік безендіру мен иллюминациялар өшірілді.
