Меншікті өндіріс
Біз әлеуметтік желілердеміз
Қасым-Жомарт Тоқаев қазақстандықтарды Рождество мерекесімен құттықтады
Президенттің құттықтау сөзі Ақорданың ресми сайтында жарияланды
Мемлекет басшысы Қ.Тоқаев қазақстандықтарды Рождество мерекесімен құттықтады, деп хабарлайды Almaty.tv. Президенттің құттықтау сөзі Ақорданың ресми сайтында жарияланды.
«Қымбатты отандастар! Барша православ христиандарын Рождество мерекесімен шын жүректен құттықтаймын! Бұл мейрам ізгілік пен мейірімнің, сүйіспеншілік пен жақын жандарға жанашырлықтың сан ғасырлық дәстүрін дәріптейді. Қоғамдағы рухани-адамгершілік құндылықтар мен конфессияаралық келісімді нығайта түседі. Православ христиандары басқа да дін өкілдерімен бірге мемлекетімізді дамытуға және халқымыздың береке-бірлігін арттыруға зор үлес қосуда. Біз бірлесіп Қазақстанды қазіргіден де қуатты елге айналдырамыз. Бәріңізге зор денсаулық, бақ-береке, толағай табыс тілеймін! Бүгінгі мейрам шаттық пен қуаныш әкелсін!» – деді мемлекет басшысы.