Қазақстаннан АҚШ-қа тікелей рейс ашылады

Қазақстаннан АҚШ-қа тікелей рейс 2025 жылдың соңына қарай іске қосылады. Бұл туралы ҚР цифрлық даму, инновациялар және аэроғарыш өнеркәсібі министрлігі мәлімдеді, деп хабарлайды Almaty.tv.

Министр Жаслан Мәдиев бастаған қазақстандық делегация Boeing компаниясының өкілдерімен кездесу өткізді. Сапар барысында делегация Boeing ұшақтарын құрастырудың өндірістік процесімен танысты.

Қазақстандық авиакомпаниялар үшін ұшақтарды жеткізу мәселелері талқыланды және Қазақстаннан АҚШ-қа тікелей рейс үшін алғашқы Dreamliner-ді жеткізу 2025 жылдың соңына дейін жоспарланатыны расталды. Бұл іс-шара Қазақстанның әуе паркін нығайтуға және елдегі әуе тасымалының деңгейін арттыруға арналған.

Сондай-ақ Boeing делегацияны компанияда жүзеге асырылып жатқан цифрлық трансформация үдерісімен таныстырды.

Boeing – тек азаматтық емес, әскери және ғарыштық ұшуларды шығаратын аэроғарыштық технологиялар саласындағы әлемдік көшбасшы. Boeing компаниясының өндірістік қуаты бүкіл әлемде орналасқан және компания өзінің инновациялық шешімдерімен және жоғары сапа стандарттарымен танымал. 2023 жылы Boeing 80 миллиард долларға жуық табыс тапты.

Оқи отырыңыз: Алматы облысында қойма отқа оранды