Меншікті өндіріс
Біз әлеуметтік желілердеміз
Президент Үкіметке жылу беру маусымына дайындық кезінде жіберілген қате есептеулерді талдауды тапсырды
Қасым-Жомарт Тоқаев Премьер-Министрдің Екібастұздағы жөндеу жұмыстарының барысы туралы есебін тыңдады
Қабылданған шаралар қаланы қиын жағдайдан шығаруға септігін тигізді. Екібастұзға келген Премьер-Министрдің бірінші орынбасары Роман Склярға тұрғын үйлерді жылумен қамтамасыз етуді қалпына келтіру жөніндегі жұмыстарға жедел басшылық жасау тапсырылды. Бұл бағыттағы жұмыстар аяқталуға жақын, деп хабарлайды Almaty.tv тілшісі Ақорда баспасөз қызметіне сілтеме жасап.
Мемлекет басшысы Үкіметке қалаларды қысқы жылыту маусымына дайындау кезінде жіберілген қателіктерге мұқият талдау жүргізу міндетін жүктеді. Сондай-ақ Үкіметке Екібастұзда және басқа да елді мекендерде қалыптасқан күрделі жағдайды түбегейлі өзгерту үшін нақты шешімдер қабылдау тапсырылды.
Бұдан бөлек, жекешелендірілген энергетикалық активтерге және олардың иелерінің жауапкершілігіне қатысты мәселелерді шешу қажет. Президент Үкімет пен құқық қорғау органдарының барлық жұмысы өзінің жеке бақылауында екенін атап өтті.