Бүгін Ислам әлемі үшін қасиетті саналатын Рамазан айы басталды. Ораза 23 наурыздан 20 сәуірге дейін жалғасады, деп хабарлайды Almaty.tv тілшісі Azattyq Rýhy агенттігіне сілтеме жасап.
Сәуір айының 17-нен 18-іне қараған түн – қасиетті Қадір түні, 21 сәуір – ораза айт мерекесі.
Айлардың сұлтанында ауыз бекіткен мұсылман баласы ішіп-жеуден ғана тыйылмай, жаны мен тәнін күнәдан тазартып, ізгі іске асығады. Бұл – Құран аяттары түсе бастаған ай. Сондықтан садақа беріп, айналаны жылуға бөлеудің маңызы жоғары.
Ораза ұстау – әр мұсылманға парыз. Себебі бұл күні адамдарға көп жақсылық пен мүмкіндік беріледі. Жәннаттың есігі ашылып, ораза тұтқан адамның алдыңғы және кейінгі күнәлары кешіріледі. Сансыз сауап жауады.